"Napoli" yarim himoyachisi Kevin de Bryuyne "Inter" darvozasiga penaltidan tepayotgan vaqtda jiddiy jarohat oldi. Belgiyalik futbolchi shifokorlar yordamida maydonni tark etdi. Neapol klubining rasmiy saytida dushanba kuni de Bryuynening holati haqida bayonot berildi.
"Napoli"ning ma’lum qilishicha, tekshiruvda de Bryuynening o‘ng sonining ikki boshli mushagi jiddiy yorilgani aniqlangan. Kevin allaqachon reabilitasiya dasturini boshlagan. 34 yoshli futbolchining tiklanish muddati ma’lum qilinmagan.
Eslatib o‘tamiz, "Napoli" "Inter"ni 3:1 hisobida mag‘lub etdi. Antonio Konte jamoasi qo‘shimcha ko‘rsatkichlar bo‘yicha "Roma"ni ortda qoldirib, A Seriyada peshqadamlik qilmoqda.
