O‘zbekiston ayollar terma jamoasi ayni kunlarda o‘quv-yig‘in mashg‘ulotini o‘tkazmoqda. Jamoamiz ertaga ushbu yurt jamoasiga qarshi o‘rtoqlik o‘yinini o‘tkazadi.

Mazkur o‘yin oldidan Filippin ayollar terma jamoasi Mark Torkaso o‘z fikrlari bilan o‘rtoqlashdi.

“Biz O‘zbekistonni juda hurmat qilamiz. Federasiya bilan yaxshi munosabatdamiz, ularni nafaqat mamlakat sifatida, balki futbol bo‘yicha ham qadrlaymiz. Futzal bo‘yicha Osiyo Kubogi saralash bosqichida ularga qarshi o‘ynaganman, o‘sha paytdagi tajriba men uchun juda qiziqarli bo‘lgan.

Ular jismoniy jihatdan kuchli jamoa, tobora o‘sib borishyapti va yaxshilanishyapti. Shuning uchun biz butunlay diqqatimizni yo‘naltirishimiz kerak”, — dedi Torkaso Pasay shahrida o‘tgan matbuot anjumanida.

Torkaso fikricha, bu o‘yin nafaqat muxlislar uchun tomosha, balki kelasi musobaqalar — SEA Games va OFK ayollar Osiyo Kubogi-2026 uchun muhim tayyorgarlik sinovidir:

“O‘zbekiston bilan o‘ynash taklifini qabul qilish biz uchun oson qaror bo‘ldi, chunki ikkimiz ham Osiyo Kubogiga tayyorgarlikda bir yo‘ldamiz. Har ikki jamoa raqobatbardosh bo‘lishni, kuchli ishtirokni xohlaydi. Shu bois bu FIFA oynasida ular bilan o‘ynash biz uchun ideal imkoniyat”, — dedi murabbiy.

Shuningdek, Filippin sardori Anji Bird ham o‘z kutilmalari bilan o‘rtoqlashdi.

“O‘zbekistonga qarshi o‘yin — jamoamiz uchun katta imkoniyat. Bu bellashuvda biz o‘z o‘yin uslubimiz va taktikamizni takomillashtirishni xohlaymiz. Bu tajriba SEA Games va Osiyo Kubogi oldidan juda muhim bo‘ladi”, — dedi u.

O‘yin vaqti: chorshanba, soat 19:00 (Manila vaqti)
Joy: “Rizal Memorial” stadioni, Manila
Filippin —  O‘zbekiston