"Manchester Yunayted" yarimhimoyachisi Manuel Ugarte klubni tark etishi mumkinligi aytilmoqda.
Urugvaylik futbolchi "qizil iblislar"ning boshlang‘ich tarkibidagi o‘rnini yo‘qotdi. Ruben Amorim formaga kirgan Kazemironi afzal ko‘rmoqda. Transfer News Live nashrining turk OAVlariga tayanib xabar berishicha, Ugartega "Galatasaroy" klubi qiziqish bildirmoqda. Turkiyaning amaldagi chempionlari 24 yoshli xavbekni yanvarda ochiladigan qishki transferlar oynasiga taklif qilish haqida o‘ylamoqda.
2024 yilning yozida "Manchester Yunayted" Manuel Ugartenni "PSJ"dan 50 million yevroga sotib oldi. Transfermarkt talqiniga ko‘ra, futbolchining hozirgi narxi 35 mln yevroni tashkil etadi.













