"Barselona"ning 18 yoshli futbolchisi Xuan Ernandes "Pari Sen-Jermen"ning qiziqishlariga sabab bo‘ldi.
Yosh ispaniyalikning shartnomasida 6 million yevro miqdoridagi tovon puli bor, ammo jurnalist Fernando Poloning so‘zlariga ko‘ra, fransuz giganti uni kelasi yozda bepul qo‘lga kiritishi mumkin.
Ernandesning amaldagi shartnomasi mavsum oxirida tugaydi. Tomonlar shartnomani uzaytirishni muhokama qilishmoqda, ammo hali to‘liq shartlar bo‘yicha kelishuvga erisha olishmagan.
Xuan Ernandes bir necha bor qaydnomaga kiritilganiga qaramay, "Barselona"ning asosiy jamoasida hali debyut qilmadi.
