"Барселона"нинг 18 ёшли футболчиси Хуан Эрнандес "Пари Сен-Жермен"нинг қизиқишларига сабаб бўлди.
Ёш испанияликнинг шартномасида 6 миллион евро миқдоридаги товон пули бор, аммо журналист Фернандо Полонинг сўзларига кўра, француз гиганти уни келаси ёзда бепул қўлга киритиши мумкин.
Эрнандеснинг амалдаги шартномаси мавсум охирида тугайди. Томонлар шартномани узайтиришни муҳокама қилишмоқда, аммо ҳали тўлиқ шартлар бўйича келишувга эриша олишмаган.
Хуан Эрнандес бир неча бор қайдномага киритилганига қарамай, "Барселона"нинг асосий жамоасида ҳали дебют қилмади.













