"Barselona"da o‘yin amaliyoti kafolati yo‘qligi sabab Mark-Andre ter Shtegen yanvar oyida jamoasini o‘zgartirishi mumkin.
TEAMtalk xabariga ko‘ra, 33 yoshli nemis golkiperini qo‘lga kiritish uchun Londonning ikki klubi "Chelsi" va "Tottenxem" kurash olib borishi kutilmoqda. Ikkala jamoa ham qishda tajribali posbonni o‘z safiga og‘dirib olishga harakat qiladi.
Hozirda ter Shtegen Kataloniya superklubida haftasiga taxminan 320 000 yevro maosh oladi. Uning 2028 yil yozigacha mo‘ljallangan shartnomasi bor.













