"Monako"ning fransiyalik yarim himoyachisi Pol Pogba jamoaning "Parij"ga qarshi o‘yin qaydnomasidan o‘rin olishi mumkin. Bu haqda Foot Mercato nashri xabar bermoqda.
Manbaga ko‘ra, Pogbaning "Parij" bilan o‘yin qaydnomasidan o‘rin olishi ehtimoli yuqori. Agar u maydonga tushsa, bu uning 2023 yil sentyabridan beri ilk bor maydonga tushishi bo‘ladi.
Pogba "Monako" safiga o‘tgan yozda kelib qo‘shilgandi. Ammo 32 yoshli xavbek hali jamoa safida debyut qilgani yo‘q, chunki u antidoping qoidalarini buzgani uchun uzoq muddatli diskvalifikasiyadan so‘ng formasini tiklashda davom etmoqda.
Fransiya chempionati 11-turidan o‘rin olgan "Monako" - "Parij" uchrashuvi 1 noyabr kuni bo‘lib o‘tadi.
