"Roma" bosh murabbiyi Jan Pyero Gasperini "Parma"ga qarshi o‘yindan keyin o‘z fikrlarini bildirib o‘tdi. Italiya chempionatining 9-turidan o‘rin olgan uchrashuv 2:1 hisobida yakunlandi.

"O‘yinimizda oldinga siljish borligi aniq, ammo biz hali ham yaxshiroq bo‘lishimiz mumkin. Hujumchilar o‘yinimizga hissa qo‘sha boshladi, birinchi navbatda Dibala. Bizning ruhiyatimiz juda baland, biz ajoyib lahzani boshdan kechirmoqdamiz", - deya Gasperinining so‘zlarini keltiradi jurnalist Nikolo Skira.

"Roma" 9 turdan so‘ng 21 ochko jamg‘arishga muvaffaq bo‘lib, Italiya A Seriyasi turnir jadvalida 2-o‘rinda bormoqda.

Qayd etish joiz, rimliklar peshqadam "Napoli"dan faqatgina qo‘shimcha ko‘rsatkichlar bo‘yicha ortda qolmoqda.