"Рома" бош мураббийи Жан Пьеро Гасперини "Парма"га қарши ўйиндан кейин ўз фикрларини билдириб ўтди. Италия чемпионатининг 9-туридан ўрин олган учрашув 2:1 ҳисобида якунланди.
"Ўйинимизда олдинга силжиш борлиги аниқ, аммо биз ҳали ҳам яхшироқ бўлишимиз мумкин. Ҳужумчилар ўйинимизга ҳисса қўша бошлади, биринчи навбатда Дибала. Бизнинг руҳиятимиз жуда баланд, биз ажойиб лаҳзани бошдан кечирмоқдамиз", - дея Гасперинининг сўзларини келтиради журналист Николо Скира.
"Рома" 9 турдан сўнг 21 очко жамғаришга муваффақ бўлиб, Италия А Серияси турнир жадвалида 2-ўринда бормоқда.
Қайд этиш жоиз, римликлар пешқадам "Наполи"дан фақатгина қўшимча кўрсаткичлар бўйича ортда қолмоқда.
