Bundan roppa-rosa ikki yil avval, 2023 yil 30 oktyabr kuni "Oltin to‘p" mukofotining 67-taqdirlash marosimi bo‘lib o‘tgan edi. O‘sha oqshom bosh sovrinni o‘sha paytda "PSJ" sharafini himoya qilgan Lionel Messi qo‘lga kiritdi.
Ovoz berish natijalariga ko‘ra, Messi 462 ochko to‘pladi. Ikkinchi o‘rinni Erling Xoland (357 ochko) egallagan bo‘lsa, uchlikni Kilian Mbappe (270 ochko) yakunlab berdi.
O‘sha "Oltin to‘p" Lionel Messi uchun faoliyatidagi sakkizinchisi edi. Argentinalik futbolchi bunday sovrinlar soni bo‘yicha tarixdagi eng yaxshi futbolchi hisoblanadi. Ikkinchi o‘rinda beshta "Oltin to‘p" sohibi Krishtianu Ronaldu bormoqda.
2024 yilda "Oltin to‘p"ni Rodri, 2025 yilda esa Usmon Dembele qo‘lga kiritdi.
Lionel Messi hozirda "Inter Mayami" sharafini himoya qilmoqda. Yaqinda argentinalik futbolchi MLS klubi bilan shartnomasini 2028 yil oxirigacha uzaytirdi.













