Бундан роппа-роса икки йил аввал, 2023 йил 30 октябрь куни "Олтин тўп" мукофотининг 67-тақдирлаш маросими бўлиб ўтган эди. Ўша оқшом бош совринни ўша пайтда "ПСЖ" шарафини ҳимоя қилган Лионель Месси қўлга киритди.
Овоз бериш натижаларига кўра, Месси 462 очко тўплади. Иккинчи ўринни Эрлинг Холанд (357 очко) эгаллаган бўлса, учликни Килиан Мбаппе (270 очко) якунлаб берди.
Ўша "Олтин тўп" Лионель Месси учун фаолиятидаги саккизинчиси эди. Аргентиналик футболчи бундай совринлар сони бўйича тарихдаги энг яхши футболчи ҳисобланади. Иккинчи ўринда бешта "Олтин тўп" соҳиби Криштиану Роналду бормоқда.
2024 йилда "Олтин тўп"ни Родри, 2025 йилда эса Усмон Дембеле қўлга киритди.
Лионель Месси ҳозирда "Интер Майами" шарафини ҳимоя қилмоқда. Яқинда аргентиналик футболчи MLS клуби билан шартномасини 2028 йил охиригача узайтирди.













