Argentina terma jamoasi forvardi Lionel Messi Ispaniyaning "Barselona" klubi prezidenti saylovida ishtirok etishga qaror qildi. Bu haqda ABC portali xabar bermoqda.
Manbaga ko‘ra, Messi prezidentlik saylovida Laportaga raqiblik qiladigan nomzodlardan birini qo‘llab-quvvatlaydi. Saylovlar 15 martdan 15 iyungacha o‘tkazilishi kerak.
4 yil oldin Messi o‘sha paytdagi saylovlarda Laportani omma oldida qo‘llab-quvvatlagandi, biroq shartnomani uzaytirmagani ularning munosabatlari buzilishiga olib keldi. Natijada futbolchi jamoani tark etib, "PSJ"ga o‘tdi.
Laporta saylovlar aprel oyida bo‘lib o‘tishiga umid qilmoqda, chunki bu mavsum muvaffaqiyatsiz yakunlangan taqdirda yuzaga kelishi mumkin bo‘lgan tanqidlardan qochish imkonini beradi. Qayd etilishicha, agar Messi g‘alaba qozonish uchun real imkoniyatga ega nomzodni topsa, saylovlarga aralashmasligi ham mumkin.
