Myunxenning «Bavariya» klubi sobiq futbolchisi Mario Basler jamoa hujumchisi Xarri Keyn hamda jamoa sobiq forvardi Robert Levandovski haqida o‘z fikrlarini bildirdi.
Mutaxassisdan qaysi futbolchini afzal ko‘rishi haqida so‘ralganida, u shunday javob berdi: «Bu juda qiyin savol. Hech qaysisini xafa qilgim kelmaydi, lekin tanlash kerak bo‘lsa, men Robert Levandovskini tanlardim», — deya Baslerning so‘zlarini keltirgan Goal nashri.
Xarri Keyn 2023 yildan buyon «Bavariya» sharafini himoya qilmoqda. Angliyalik hujumchi barcha musobaqalarda jami 111 ta o‘yinda 107 ta gol urib, 29 ta golli uzatma bergan.
Robert Levandovski esa nemis grandi safida sakkiz mavsum davomida to‘p tepgan. U 375 uchrashuvda maydonga tushib, 344 ta gol urgan va 73 ta assist muallifi bo‘lgan.
