Мюнхеннинг «Бавария» клуби собиқ футболчиси Марио Баслер жамоа ҳужумчиси Харри Кейн ҳамда жамоа собиқ форварди Роберт Левандовски ҳақида ўз фикрларини билдирди.
Мутахассисдан қайси футболчини афзал кўриши ҳақида сўралганида, у шундай жавоб берди: «Бу жуда қийин савол. Ҳеч қайсисини хафа қилгим келмайди, лекин танлаш керак бўлса, мен Роберт Левандовскини танлардим», — дея Баслернинг сўзларини келтирган Goal нашри.
Харри Кейн 2023 йилдан буён «Бавария» шарафини ҳимоя қилмоқда. Англиялик ҳужумчи барча мусобақаларда жами 111 та ўйинда 107 та гол уриб, 29 та голли узатма берган.
Роберт Левандовски эса немис гранди сафида саккиз мавсум давомида тўп тепган. У 375 учрашувда майдонга тушиб, 344 та гол урган ва 73 та ассист муаллифи бўлган.
