"Yuventus" bosh murabbiyi Luchano Spalletti Turin jamoasi forvardi Kenan Yildiz haqida fikr bildirdi.

Eslatib o‘tamiz, 4 noyabr kuni Chempionlar ligasi umumiy bosqich 4-turi doirasida "Yuventus" o‘z maydonida "Sporting"ni qabul qiladi.

"Yildiz ertangi o‘yinga tayyor. Faoliyatimda juda omadliman, chunki ko‘plab ajoyib futbolchilarni tarbiyalaganman va u ham yuqori darajani namoyish etmoqda. Undan maydonda qaysi pozisiyani ma’qul ko‘rishini so‘radim va u chap qanotda hujumchi sifatida o‘ynashni ma’qul ko‘rishini aytdi. Kenan ikkinchi hujumchi pozisiyasida ham, qanotda ham yaxshi," - dedi Spalletti matbuot anjumanida.