"Levante" ijrochi direktori Xose Danvila jamoa hujumchisi Karl Etta Eyongning jamoadagi kelajagi haqida fikr bildirdi.

"Barcelona biz bilan Etta Eyrong haqida hech qachon bog‘lanmagan, shuningdek biz Angliya klublaridan ham hech qanday murojaat olmadi. Kelib tushgan takliflarni esa qabul qilmadik.

Biz Etta Eyongni yanvarda sotmaymiz, u bu qishda ketmaydi. Har kuni mish-mishlar eshitaman, takliflar ko‘p, lekin bizning pozisiyamiz qat’iy.

Uni qishda sotish, klub loyihasiga ham, yozda sarflangan mehnatga ham zid bo‘ladi", - dedi Danvila.

22 yoshli kamerunlik forvard joriy mavsumda sermahsullik ko‘rsatib, bir qator grand klublar e’tiboriga tushdi.

Transfermarkt 20 million yevroga baholayotgan Eyong 11 ta o‘yinda 6 ta gol urib, 3 ta assist berdi.