"Леванте" ижрочи директори Хосе Данвила жамоа ҳужумчиси Карл Этта Эйонгнинг жамоадаги келажаги ҳақида фикр билдирди.

"Барcелона биз билан Этта Эйронг ҳақида ҳеч қачон боғланмаган, шунингдек биз Англия клубларидан ҳам ҳеч қандай мурожаат олмади. Келиб тушган таклифларни эса қабул қилмадик.

Биз Этта Эйонгни январда сотмаймиз, у бу қишда кетмайди. Ҳар куни миш-мишлар эшитаман, таклифлар кўп, лекин бизнинг позициямиз қатъий.

Уни қишда сотиш, клуб лойиҳасига ҳам, ёзда сарфланган меҳнатга ҳам зид бўлади", - деди Данвила.

22 ёшли камерунлик форвард жорий мавсумда сермаҳсуллик кўрсатиб, бир қатор гранд клублар эътиборига тушди.

Transfermarkt 20 миллион еврога баҳолаётган Эйонг 11 та ўйинда 6 та гол уриб, 3 та ассист берди.