Portugaliyalik megayulduz Krishtianu Ronaldu Pirs Morganga bergan intervyusida o‘z to‘purarlik salohiyati haqida fikr bildirdi.
«Har yili ko‘proq gol urib kelyapman. Eng yomon mavsumimda ham 25 gol urganman. Hozir APLning top jamoasida o‘ynasam, aynan shuncha gol urar edim.
Saudiya ligasi Portugaliyanikidan va albatta Fransiyanikidan ancha kuchli. U yerda faqat «PSJ» bor. Premyer-liga esa, albatta, birinchi o‘rinda turadi.
Shuningdek, «Oltin butsa» uchun Saudiyadagi gollarni ham hisobga olish kerak. Nega ularni hisobga olmaydi? Nima uchun? Bizning ligada qancha top o‘yinchi borligini ko‘ring. Liganing darajasi qandayligini boshqa o‘yinchilardan ham so‘rashingiz mumkin.
Ko‘plab joylarda o‘ynadim. Saudiyadan Ispaniyada gol urish osonroq bo‘ldi», – dedi Krishtianu Ronaldu.













