Португалиялик мегаюлдуз Криштиану Роналду Пирс Морганга берган интервьюсида ўз тўпурарлик салоҳияти ҳақида фикр билдирди.
«Ҳар йили кўпроқ гол уриб келяпман. Энг ёмон мавсумимда ҳам 25 гол урганман. Ҳозир АПЛнинг топ жамоасида ўйнасам, айнан шунча гол урар эдим.
Саудия лигаси Португалияникидан ва албатта Францияникидан анча кучли. У ерда фақат «ПСЖ» бор. Премьер-лига эса, албатта, биринчи ўринда туради.
Шунингдек, «Олтин бутса» учун Саудиядаги голларни ҳам ҳисобга олиш керак. Нега уларни ҳисобга олмайди? Нима учун? Бизнинг лигада қанча топ ўйинчи борлигини кўринг. Лиганинг даражаси қандайлигини бошқа ўйинчилардан ҳам сўрашингиз мумкин.
Кўплаб жойларда ўйнадим. Саудиядан Испанияда гол уриш осонроқ бўлди», – деди Криштиану Роналду.
