"Chelsi" bosh murabbiyi Enso Mareska "Vulverxempton"ga qarshi o‘yindan (3:0) keyin vinger Alexandro Garnachoni yana bir bor maqtadi.

21 yoshli argentinalik futbolchi ikkita golli uzatma bilan uchrashuv qahramonlaridan biriga aylandi.

"Garnacho ajoyib edi. U nafaqat to‘pga egalik qilishda, balki to‘psiz ham o‘zini ko‘rsatdi - ayniqsa pressingda. Vingerlarimizdan aynan shuni talab qilamiz," - dedi Mareska o‘yindan keyin OAV bilan suhbatda.

Alexandro Garnacho "Chelsi"ga o‘tgan yozda "Manchester Yunayted"dan ko‘chib o‘tgan edi. Futbolchi barcha turnirlarda londonliklar safida o‘nta o‘yinda ikkita gol urgan va shuncha golli uzatmani amalga oshirgan.