"Челси" бош мураббийи Энцо Мареска "Вулверхэмптон"га қарши ўйиндан (3:0) кейин вингер Алехандро Гарначони яна бир бор мақтади.
21 ёшли аргентиналик футболчи иккита голли узатма билан учрашув қаҳрамонларидан бирига айланди.
"Гарначо ажойиб эди. У нафақат тўпга эгалик қилишда, балки тўпсиз ҳам ўзини кўрсатди - айниқса прессингда. Вингерларимиздан айнан шуни талаб қиламиз," - деди Мареска ўйиндан кейин ОАВ билан суҳбатда.
Алехандро Гарначо "Челси"га ўтган ёзда "Манчестер Юнайтед"дан кўчиб ўтган эди. Футболчи барча турнирларда лондонликлар сафида ўнта ўйинда иккита гол урган ва шунча голли узатмани амалга оширган.
