“Barselona” klubi “Liverpul” yarim himoyachisi Rayan Gravenberxni qo‘lga kiritishni rejalashtirmoqda. Bu haqda Fichajes xabar berdi.

Manbaga ko‘ra, kataloniyaliklar ushbu qimmat transferni amalga oshirish uchun bir necha futbolchilarni sotishga tayyor ekanliklarini bildirgan. Jamoa rahbariyati 23 yoshli niderlandiyalikni eng ustuvor transfer maqsadlaridan biri deb hisoblamoqda.

Rayanga nafaqat “Barselona”, balki Madridning “Real” klubi ham qiziqish bildirmoqda.

Shu bilan birga, Gravenberx Ispaniya chempionlariga o‘tish ehtimolini rad etmagan, bu esa yozgi transfer oynasida ikki jamoa o‘rtasidagi raqobatni yanada kuchaytiradi.

Futbolchining "qizillar" bilan shartnomasi 2028 yil yozigacha mo‘ljallangan. Transfermarkt uni 90 million yevroga baholamoqda.