"Arsenal" hujumkor yarim himoyachisi Bukayo Saka Premyer-liga chempionligini qo‘lga kiritish imkoniyatlari haqida gapirdi. "To‘pchilar" hozirda Premyer-ligada yetakchilik qilmoqda.
"Chempionlikni qo‘lga kiritish imkoniyatlari bormi? Bu haqda boshqalar ham gapirishsin. Bizning maqsadimiz har bir o‘yinda g‘alaba qozonish va biz maydonga shu fikr bilan chiqamiz. Bu bizni qayerga olib borishini ko‘ramiz. Odamlarning gaplari bizga ta’sir qila olmaydi. Bir kuni ular bir narsani, keyingi kuni esa boshqa narsani aytishadi.
Men allaqachon odamlarning fikrlari ob-havo kabi o‘zgarishini aytganman. Eng muhimi, kiyinish xonasi: biz qanchalik birlashganmiz, poydevorimiz nima, o‘zimizga bo‘lgan ishonchimiz. Biz tashqi shovqinga e’tibor bera olmaymiz", dedi Saka.
"Arsenal" oxirgi marta Angliya Premyer-ligasi chempionligini 2003/2004 yilgi mavsumda qo‘lga kiritgan.
