"Roma"ning ukrainalik forvardi Artyom Dovbik qishki transfer oynasida "Milan"ga o‘tmaydi, deb xabar beradi Pianeta Milan.
Manbaga ko‘ra, "rossonerilar"ning rimliklarning 28 yoshli hujumchisini qo‘lga kiritish bo‘yicha rejalari futbolchining jarohati tufayli uzil-kesil barbod bo‘lgan. U 4-6 haftani o‘tkazib yuboradi.
Avvalroq, "Milan" yozda Dovbikka qiziqish bildirgan va qishda transferga qaytishni rejalashtirgan edi. Ammo ukrainalik futbolchi faqat dekabr oyi oxirida maydonga tushishi mumkinligini inobatga olsak, klub optimal formada bo‘lmagan futbolchini o‘z safiga qo‘shib olishi dargumon.
2025/26 yilgi mavsumda Dovbik "Roma" safida barcha rasmiy turnirlarda 14 ta o‘yinda maydonga tushib, ikkita gol urdi va ikkita golli uzatmani amalga oshirdi.
