"Рома"нинг украиналик форварди Артём Довбик қишки трансфер ойнасида "Милан"га ўтмайди, деб хабар беради Pianeta Milan.
Манбага кўра, "россонерилар"нинг римликларнинг 28 ёшли ҳужумчисини қўлга киритиш бўйича режалари футболчининг жароҳати туфайли узил-кесил барбод бўлган. У 4-6 ҳафтани ўтказиб юборади.
Аввалроқ, "Милан" ёзда Довбикка қизиқиш билдирган ва қишда трансферга қайтишни режалаштирган эди. Аммо украиналик футболчи фақат декабрь ойи охирида майдонга тушиши мумкинлигини инобатга олсак, клуб оптимал формада бўлмаган футболчини ўз сафига қўшиб олиши даргумон.
2025/26 йилги мавсумда Довбик "Рома" сафида барча расмий турнирларда 14 та ўйинда майдонга тушиб, иккита гол урди ва иккита голли узатмани амалга оширди.
