Madridning "Real" klubi sobiq bosh murabbiyi Karlo Anchelotti klubdagi so‘nggi mavsumini esladi. May oyi oxirida italiyalik mutaxassis "qaymoqranglilar" boshqaruvidan ketib, Braziliya terma jamoasini qabul qilib oldi.
"Nima xato ketdi? Biz himoyaning barcha asosiy o‘yinchilarini yo‘qotdik. Karvaxal va Militao yo‘q edi, Ryudiger esa jiddiy jarohat bilan o‘ynadi. Yaxshiyamki, ikkinchi jamoadan Raul Asensio kelib, ajoyib o‘yin ko‘rsatdi. O‘ng qanot himoyasida Valverdeni, markazda Tchuamenini tushirishimga to‘g‘ri kelganini, yarim himoyada ham futbolchilar yetishmayotganini unutmaslik kerak. Himoyadagi ishonchsizlik bizga sovrinlarni olib qo‘ydi. Menimcha, gap Kroosda emas, chunki biz boshqa yarimhimoyachilar bilan o‘ynab moslashdik", - deya Anchelottining so‘zlarini keltiradi Diario AS.
Iyun oyi boshida Xabi Alonso "Real"ning yangi murabbiyi bo‘ldi.
