Мадриднинг "Реал" клуби собиқ бош мураббийи Карло Анчелотти клубдаги сўнгги мавсумини эслади. Май ойи охирида италиялик мутахассис "қаймоқранглилар" бошқарувидан кетиб, Бразилия терма жамоасини қабул қилиб олди.
"Нима хато кетди? Биз ҳимоянинг барча асосий ўйинчиларини йўқотдик. Карвахаль ва Милитао йўқ эди, Рюдигер эса жиддий жароҳат билан ўйнади. Яхшиямки, иккинчи жамоадан Рауль Асенсио келиб, ажойиб ўйин кўрсатди. Ўнг қанот ҳимоясида Валвердени, марказда Тчуаменини туширишимга тўғри келганини, ярим ҳимояда ҳам футболчилар етишмаётганини унутмаслик керак. Ҳимоядаги ишончсизлик бизга совринларни олиб қўйди. Менимча, гап Кроосда эмас, чунки биз бошқа яримҳимоячилар билан ўйнаб мослашдик", - дея Анчелоттининг сўзларини келтиради Diario AS.
Июнь ойи бошида Хаби Алонсо "Реал"нинг янги мураббийи бўлди.
