"Fenerbaxche" darvozaboni Ederson Moraes "Manchester Siti"dan ketish sabablari haqida gapirdi.
Darvozabonning fikricha, har qanday sikl ertami-kechmi tugaydi va u jamoadagi sakkiz yillik faoliyatidan so‘ng muhitni o‘zgartirishiga to‘g‘ri keldi.
"Fenerbaxche" paydo bo‘lganida, men taklifni qabul qildim. O‘tgan mavsumda ham ketishga urinib ko‘rganman, ammo buning uddasidan chiqa olmaganman. Menga bu o‘zgarishlar kerak edi. Agar sen baxtsiz bo‘lsang, katta klubda o‘ynashdan ma’no yo‘q," - deya futbolchining so‘zlarini keltiradi Goal.
Shuningdek, u so‘nggi paytlarda jarohatlar ta’qib qilib, to‘liq kuch bilan o‘ynashga imkon bermayotganini ta’kidladi.
