"Фенербахче" дарвозабони Эдерсон Мораэс "Манчестер Сити"дан кетиш сабаблари ҳақида гапирди.

Дарвозабоннинг фикрича, ҳар қандай цикл эртами-кечми тугайди ва у жамоадаги саккиз йиллик фаолиятидан сўнг муҳитни ўзгартиришига тўғри келди.

"Фенербахче" пайдо бўлганида, мен таклифни қабул қилдим. Ўтган мавсумда ҳам кетишга уриниб кўрганман, аммо бунинг уддасидан чиқа олмаганман. Менга бу ўзгаришлар керак эди. Агар сен бахтсиз бўлсанг, катта клубда ўйнашдан маъно йўқ," - дея футболчининг сўзларини келтиради Goal.

Шунингдек, у сўнгги пайтларда жароҳатлар таъқиб қилиб, тўлиқ куч билан ўйнашга имкон бермаётганини таъкидлади.