Ispaniya terma jamoasi bosh murabbiyi Luis de la Fuente "Barselona" vingeri Lamin Yamalning Madridning "Real" klubi haqidagi shov-shuvli bayonotlari haqida gapirdi.
Oktyabr oyida bo‘lib o‘tadigan "el klasiko" oldidan 18 yoshli futbolchi "qaymoqranglilar"ni firibgarlik va doimiy shikoyatlarda aybladi.
"Men uchun hurmat tushunchasi muhokama qilinmaydi. So‘zlarga ehtiyot bo‘lish kerak, chunki ba’zida ular kontekstdan yulib olinishi mumkin. Birovni xafa qilish juda oson, lekin bu har doim ham hurmatsizlikni anglatmaydi. Aminmanki, Lamin yomon niyatda bo‘lmagan, u hech kimni haqorat qilishni istamagan," - dedi de la Fuente matbuot anjumanida.
Lamin Yamal sog‘lig‘i bilan bog‘liq muammolar tufayli "qizil furiya"ning noyabrdagi yig‘inini o‘tkazib yubormoqda.
