Испания терма жамоаси бош мураббийи Луис де ла Фуэнте "Барселона" вингери Ламин Ямалнинг Мадриднинг "Реал" клуби ҳақидаги шов-шувли баёнотлари ҳақида гапирди.

Октябрь ойида бўлиб ўтадиган "эл класико" олдидан 18 ёшли футболчи "қаймоқранглилар"ни фирибгарлик ва доимий шикоятларда айблади.

"Мен учун ҳурмат тушунчаси муҳокама қилинмайди. Сўзларга эҳтиёт бўлиш керак, чунки баъзида улар контекстдан юлиб олиниши мумкин. Бировни хафа қилиш жуда осон, лекин бу ҳар доим ҳам ҳурматсизликни англатмайди. Аминманки, Ламин ёмон ниятда бўлмаган, у ҳеч кимни ҳақорат қилишни истамаган," - деди де ла Фуэнте матбуот анжуманида.

Ламин Ямал соғлиғи билан боғлиқ муаммолар туфайли "қизил фурия"нинг ноябрдаги йиғинини ўтказиб юбормоқда.