"Barselona" futbolchisi Erik Garsiya bu mavsumda o‘zini oddiy himoyachilardan ko‘ra yaxshiroq ko‘rsatmoqda.
Statistikaga ko‘ra, "PSJ" yulduzi Vitinya va o‘z jamoadoshi Pedridan tashqari, Yevropaning kuchli beshlik chempionatlarida bu mavsumda Erik Garsiyadan ko‘ra ko‘proq maydonning so‘nggi uchinchi qismida pasni amalga oshirgan futbolchi yo‘q.
Ispaniyalik himoyachi "Barselona"ning o‘ng qanot himoyasida Jyul Kundeni siqib chiqardi va markaziy himoyada ham juda yaxshi ekanini ko‘rsatdi.
Garsiyaning "Barselona" bilan shartnomasi 2026 yilning yozida tugaydi. Klub kelishuvni 2029 yilgacha uzaytirmoqchi.













