Irlandiya terma jamoasi ustozi Xeymer Xadlgrimsson kecha bo‘lib o‘tgan JCH-2026 saralashidan o‘rin olgan o‘yinda Portugaliya terma jamoasi yulduz hujumchisi Krishtianu Ronalduning maydondan chetlatilgani haqida fikr bildirdi.
"Krishtianu hakamga bosim o‘tkazganimni aytdi. Biroq uning bu harakatlari qizil kartochkaga sabab bo‘ldi, bunga mening aloqam yo‘q. Ehtimol, men uning miyasiga kirib qolgandirman", - deya mutaxassisning so‘zlarini keltiradi A Bola.
Eslatib o‘tamiz, mazkur bellashuv Portugaliya terma jamoasining 0:2 hisobidagi mag‘lubiyati bilan yakunlandi. Ronaldu birinchi bo‘limda raqibiga tirsagi bilan zarba bergani uchun maydondan chetlatildi. Bu uning milliy terma jamoadagi ilk qizil kartochkasi bo‘ldi.
