Ирландия терма жамоаси устози Хеймер Хадльгримссон кеча бўлиб ўтган ЖЧ-2026 саралашидан ўрин олган ўйинда Португалия терма жамоаси юлдуз ҳужумчиси Криштиану Роналдунинг майдондан четлатилгани ҳақида фикр билдирди.
"Криштиану ҳакамга босим ўтказганимни айтди. Бироқ унинг бу ҳаракатлари қизил карточкага сабаб бўлди, бунга менинг алоқам йўқ. Эҳтимол, мен унинг миясига кириб қолгандирман", - дея мутахассиснинг сўзларини келтиради A Bola.
Эслатиб ўтамиз, мазкур беллашув Португалия терма жамоасининг 0:2 ҳисобидаги мағлубияти билан якунланди. Роналду биринчи бўлимда рақибига тирсаги билан зарба бергани учун майдондан четлатилди. Бу унинг миллий терма жамоадаги илк қизил карточкаси бўлди.
