Ertaga Superliganing 21-turidan qoldirilgan "Dinamo" hamda "Andijon" uchrashuvi bo‘lib o‘tadi.
Bu jamoalarning o‘zaro statistikasi shuni ko‘rsatmoqdaki, jamoalar 45 marotaba to‘qnashishgan. Shundan 19 tasida "Dinamo", 16 ta uchrashuvda esa "Andijon"ning qo‘li baland kelgan. Yana 10 ta uchrashuvda durang natijasi qayd etilgan. To‘plar nisbati 67\59 samarqandliklar foydasiga.
Birinchi davrada Andijondagi bellashuvda "Dinamo" 1:2 hisobida g‘alaba qozongan. Qolaversa, jamoalar bu yil Kubok doirasida ham Andijonda bellashishgan va unda 1:1 natijasi kuzatilgan. Navbatdagi to‘qnashuv bu yil hisobidan uchinchi bellashuvga aylanadi.
O‘tgan yili Samarqanddagi o‘yinda kuchlar teng kelgan - 1:1. Undan oldingi safar o‘yini 2019 yilga to‘g‘ri keladi va unda "Andijon" 0:1 hisobida g‘alaba qozongan. "Burgutlar" Samarqanddagi o‘yinlarning 6 tasida durang va 2 tasida g‘alaba qozongan.
Eslatib o‘tamiz, "Dinamo" - "Andijon" uchrashuvi ertaga soat 16:00 da boshlanadi.
