O‘zbekiston milliy jamoasi sardori Misrga qarshi uchrashuvdan keyin o‘z fikrlarini bildirdi.

"Birinchi bo‘limda katta ustunlik biz tomonda bo‘ldi. Ikkitadan ko‘proq gol urishimiz ham mumkin edi. Bizda golli vaziyatlar ko‘p bo‘ldi.

Birinchi bo‘limda hisobda oldinga o‘tib olganimizdan keyin ikkinchi bo‘limda ko‘proq e’tiborni himoyaga qaratdik. Misr ham taktikasini o‘zgartirib, ko‘proq hujum tashkil qildi. Shuning uchun ikkinchi taym boshida tashabbusni ularga berib qo‘ydik. Lekin, asosiysi — gol o‘tkazib yubormadik.

Vaziyatlarni golga aylantirishda xatolar bo‘ldi, ammo, eng muhimi — o‘sha vaziyatlarni yaratish. Golli vaziyatlarni yaratdik. Bu esa Oston bilan ham, Aziz bilan ham bir-birimizni yaxishi tushunib harakat qilayotganimizni anglatadi.

Pressing qilishga harakat qildik. Ammo har xil o‘yin bo‘ladi. Birinchi bo‘limda tashabbusni o‘z qo‘limizga olib, pressing orqali o‘ynadik. Ikkinchi bo‘limda esa himoyaga e’tibor qaratdik. Zamonaviy futbolda hamma narsaga tayyor turish kerak, deb o‘ylayman. Chunki, ba’zi bahslarda pressing qilib o‘ynashga to‘g‘ri kelcha, ba’zi o‘yinlarda esa, raqib kuchli bo‘lgani uchun himoyadan o‘ynashga to‘g‘ri keladi.

Finalda, albatta, g‘alaba uchun harakat qilamiz", — dedi Shomurodov o‘yindan keyin.