"Milan" futbolchisi Kristian Pulishich jamoaning joriy mavsum uchun maqsadlarini ma’lum qildi.

"Rossonerilar" A Seriya turnir jadvalida uchinchi o‘rinda, yetakchi "Inter"dan atigi ikki ochko ortda qolmoqda.

Milan derbisi kelasi hafta bo‘lib o‘tadi.

"Agar biz chempionlikni qo‘lga kirita olmasak, mavsumni muvaffaqiyatsiz deb hisoblash mumkinmi? Albatta, Skudetto bizning maqsadimiz. Lekin men kelajak haqida pessimist bo‘lishni istamayman.

Biz maqsadlarimizga erishish uchun qo‘limizdan kelgan barcha ishni qilamiz. Yaxshi o‘ynaydigan, ammo hech narsa yutmaydigan mavsumlar bo‘ladi.

Albatta, g‘alaba hissi yuqori - bu mehnatsevarlik uchun mukofot", dedi Pulishich.