"Bavariya" vingeri Serj Gnabri - "Liverpul"ning ehtimoliy nishoni. 30 yoshli futbolchining myunxenliklar bilan amaldagi mehnat shartnomasi joriy mavsum yakunida o‘z nihoyasiga yetadi. Mersisaydliklar nemisni erkin agent sifatida o‘z safiga qo‘shib olmoqchi, biroq buni amalga oshirish oson bo‘lmaydi, deydi jurnalist Kristian Falk. Gap futbolchining katta moliyaviy talablarida - u "Bavariya"dagi eng yuqori maoshlardan biriga ega.
Serj Gnabri joriy mavsumda 15 o‘yinda 4tadan gol va samarali pas muallifi bo‘ldi. Vingerning Transfermarkt portalidagi narxi 22 mln yevroni tashkil qilmoqda.













