"Бавария" вингери Серж Гнабри - "Ливерпуль"нинг эҳтимолий нишони. 30 ёшли футболчининг мюнхенликлар билан амалдаги меҳнат шартномаси жорий мавсум якунида ўз ниҳоясига етади. Мерсисайдликлар немисни эркин агент сифатида ўз сафига қўшиб олмоқчи, бироқ буни амалга ошириш осон бўлмайди, дейди журналист Кристиан Фальк. Гап футболчининг катта молиявий талабларида - у "Бавария"даги энг юқори маошлардан бирига эга.
Серж Гнабри жорий мавсумда 15 ўйинда 4тадан гол ва самарали пас муаллифи бўлди. Вингернинг Transfermarkt порталидаги нархи 22 млн еврони ташкил қилмоқда.
