Serbiyalik hujumchi Dushan Vlaxovich hamon "Yuventus" bilan shartnomasini uzaytirgani yo‘q. Bu haqda jurnalist Ekrem Konur xabar bermoqda.

Manbaga ko‘ra, "Yuventus" Vlaxovichni qishki transferlar oynasida sotish uchun ochiq, ammo hujumchining yillik 12 million yevro maoshi bunga to‘sqinlik qilishi mumkin. Ta’kidlanishicha, 25 yoshli hujumchiga "Barselona," "Bavariya," "Manchester Yunayted," "Tottenxem," "Atletiko," "Milan" va "Fenerbaxche" klublari qiziqish bildirmoqda.

Vlaxovich joriy mavsum barcha turnirlarda 15 ta o‘yinda maydonga tushib, 6 ta gol urdi va 1 ta golli uzatmani o‘z hisobiga yozdirib qo‘ydi.