Jahon chempionati - 2026 saralash bosqichining so‘nggi o‘yinida Niderlandiya terma jamoasi Litva terma jamoasi ustidan 4:0 hisobida g‘alaba qozondi. "To‘q sariqlar" ustozi Ronald Kuman final hushtagidan so‘ng jurnalistlar bilan suhbatlashdi.

"Biz birinchi daqiqadan so‘nggi daqiqagacha gol urish uchun o‘ynamoqchi edik. Tanaffusgacha raqib darvozasini ikki-uch marta ishg‘ol qilish kerak edi. Raqib darvozasi oldida ko‘plab vaziyatlar yaratdik. Umuman olganda, jamoa yaxshi o‘yin o‘tkazdi," - deya bosh murabbiyning so‘zlarini keltiradi Ziggo.

Niderlandiya o‘z guruhida birinchi o‘rinni egalladi va to‘g‘ridan-to‘g‘ri JCH-2026 yo‘llanmasini qo‘lga kiritdi.