Madridning "Real" klubi futbolchisi Franko Mastantuono jamoadoshlaridan qaysi biri uni hammadan ko‘proq hayratda qoldirganini aytdi.
Joriy yilning avgust oyida "qaymoqranglilar" safiga qo‘shilgan 18 yoshli argentinalik futbolchi yarim himoyachi Jud Bellingem va hujumchi Kilian Mbappeni e’tirof etdi.
"Jud va Kilian meni jamoada hammadan ko‘proq hayratda qoldirdi. Bellingem - aql bovar qilmaydigan, uning texnikasi ajoyib, u o‘yinga katta ta’sir ko‘rsatadi. Mbappe - tug‘ma to‘purar, top-futbolchi", - deya Mastantuononing so‘zlarini keltiradi ispan OAV.
23 noyabr kuni "Real" o‘z maydonida "Elche"ni qabul qiladi. Ayni paytda Xabi Alonso jamoasi Ispaniya chempionati turnir jadvalida "Barselona"dan 3 ochko oldinda bormoqda.













