Мадриднинг "Реал" клуби футболчиси Франко Мастантуоно жамоадошларидан қайси бири уни ҳаммадан кўпроқ ҳайратда қолдирганини айтди.
Жорий йилнинг август ойида "қаймоқранглилар" сафига қўшилган 18 ёшли аргентиналик футболчи ярим ҳимоячи Жуд Беллингем ва ҳужумчи Килиан Мбаппени эътироф этди.
"Жуд ва Килиан мени жамоада ҳаммадан кўпроқ ҳайратда қолдирди. Беллингем - ақл бовар қилмайдиган, унинг техникаси ажойиб, у ўйинга катта таъсир кўрсатади. Мбаппе - туғма тўпурар, топ-футболчи", - дея Мастантуононинг сўзларини келтиради испан ОАВ.
23 ноябрь куни "Реал" ўз майдонида "Эльче"ни қабул қилади. Айни пайтда Хаби Алонсо жамоаси Испания чемпионати турнир жадвалида "Барселона"дан 3 очко олдинда бормоқда.
