Angliya terma jamoasi bosh murabbiyi Tomas Tuxel o‘ng qanot himoyasidagi raqobat haqida gapirdi.

Madridning "Real" klubi sharafini himoya qilayotgan Trent Aleksander-Arnold iyun oyi boshidan buyon "uch sherlar" safida o‘ynamadi. 27 yoshli futbolchi noyabrdagi yig‘inni o‘tkazib yubordi. Yaqinda bo‘lib o‘tgan Albaniyaga qarshi o‘yinda "Liverpul"ning yana bir sobiq futbolchisi, hozirda "Bayer"da to‘p tepayotgan Jerell Kuansa o‘ng qanot himoyasidan joy oldi.

"Kuansa "Bayer"da yoshlar o‘rtasidagi Yevrodan keyin birorta o‘yin daqiqasini o‘tkazib yubormadi, shuning uchun hozirda u o‘ng qanot himoyachisi pozisiyasida bizning iyerarxiyamizda Trentdan oldinda", - deya Tuxelning so‘zlarini keltiradi The Touchline.

Eslatib o‘tamiz, Aleksander-Arnold va Kuansa o‘tgan yozda "Liverpul"ni tark etishgan edi.