AQSH terma jamoasi o‘rtoqlik uchrashuvida Urugvayni yirik hisobda mag‘lub etdi - 5:1.
Uchrashuvning 17-daqiqasida Sebastyan Berxalter hisobni ochdi. Shundan so‘ng Aleksandr Frimen dubl qayd etgan bo‘lsa, Diyego Luna hisobni yirik ko‘rinishga olib keldi. Tanaffus oldidan urugvayliklar oradagi farqni qisqartirishdi - Jorjian de Arraskaeta gol urdi.
Ikkinchi bo‘lim o‘rtalarida Urugvay jamoasi bir kishi kam bo‘lib qoldi. 64-daqiqada Rodrigo Bentankur qizil kartochka ishlab oldi. Ko‘pchilik bo‘lib o‘ynab, amerikaliklar beshinchi golni urishdi - gol muallifi Tanner Tessmann bo‘ldi.
O‘rtoqlik o‘yini
AQSH — Urugvay — 5:1 (4:1, 1:0)
Gollar: Berxalter, 17 — 1:0. Frimen, 20 — 2:0. Frimen, 31 — 3:0. Luna, 42 — 4:0. de Arraskaeta, 45+1 — 4:1. Tessmann, 68 — 5:1.
Chetlatish: Bentankur (U), 64.
