"Manchester Yunayted" xo‘jayini Jim Retkliff yaqinda jamoa murabbiyi Ruben Amorimni omma oldida qo‘llab-quvvatladi.
Retkliff loyihani amalga oshirish uchun Amorimga bir necha yil berishga tayyorligini bildirdi. Portugaliyalik murabbiy bu borada izoh berdi.
"Klub egasining qo‘llab-quvvatlashi har doim juda muhim. Ammo muxlislar tushunishi yanada muhimroq: bizda aniq yo‘l bor va biz nima bo‘lishidan qat’i nazar, unga amal qilishda davom etish uchun hamma narsani qilamiz. To‘g‘risini aytsam, rahbarning so‘zlari men uchun ko‘p narsani o‘zgartirmaydi, chunki men ishimni yo‘qotishdan xavotirda emasman. Lekin agar eslasak, Jimning o‘sha intervyusidan keyin klub atrofidagi hamma narsa keskin tinchlandi. Bu jamoa uchun juda muhim, agar jamoa uchun muhim bo‘lsa - demak, men uchun ham muhim," - dedi Amorim.
"Manchester Yunayted" hozirda Premyer-liga turnir jadvalida yettinchi o‘rinni egallab turibdi.
