"Манчестер Юнайтед" хўжайини Жим Рэтклифф яқинда жамоа мураббийи Рубен Аморимни омма олдида қўллаб-қувватлади.
Рэтклифф лойиҳани амалга ошириш учун Аморимга бир неча йил беришга тайёрлигини билдирди. Португалиялик мураббий бу борада изоҳ берди.
"Клуб эгасининг қўллаб-қувватлаши ҳар доим жуда муҳим. Аммо мухлислар тушуниши янада муҳимроқ: бизда аниқ йўл бор ва биз нима бўлишидан қатъи назар, унга амал қилишда давом этиш учун ҳамма нарсани қиламиз. Тўғрисини айтсам, раҳбарнинг сўзлари мен учун кўп нарсани ўзгартирмайди, чунки мен ишимни йўқотишдан хавотирда эмасман. Лекин агар эсласак, Жимнинг ўша интервьюсидан кейин клуб атрофидаги ҳамма нарса кескин тинчланди. Бу жамоа учун жуда муҳим, агар жамоа учун муҳим бўлса - демак, мен учун ҳам муҳим," - деди Аморим.
"Манчестер Юнайтед" ҳозирда Премьер-лига турнир жадвалида еттинчи ўринни эгаллаб турибди.
