«Elche» himoyachisi Viktor Chust La Liga 13-turidagi «Real»ga qarshi uy o‘yinidan kutilmalarini bo‘lishdi.
«Biz «Real»ni mag‘lub etishga qodirmiz. Biz bunga erishamiz deb ishonamiz. Jamoa o‘ziga ishonadi va biz bu uchun har kuni qattiq mehnat qilamiz. Agar maydonga tushib, o‘z futbolimizni o‘ynasak va zavq olsak, yaxshi natijaga erishamiz deb ishonaman.
Avvalo, har bir o‘yinda matonatli bo‘lishimiz kerak. Biz nima qilayotgan bo‘lsak, shuni davom ettirishimiz kerak, muxlislar budan zavq olishadi. Jamoa o‘zini kuchli va juda baxtli his qilmoqda. Biz jarayondan zavq olamiz», — dedi Chust.
Eslatib o‘tamiz. "Elche" - "Real" o‘yini 23 noyabr tunda bo‘lib o‘tadi.
