"Shaxtyor" bosh murabbiyi Arda Turan Ispaniyaning "Atletiko" va "Barselona" klublaridagi o‘yinlari haqida gapirdi. Turk faoliyatidagi bu davrlar qanday bo‘lgan?
- Siz "Atletiko"da oltin davrni, "Barselona"da murakkabroq davrni boshdan kechirgansiz. Bu ikki xil tajribadan nimalarni o‘rgandingiz?
- Ortga nazar tashlasam, ikkisidan ham xursandman, deyishim mumkin. Ikkovi ham menga ko‘p narsa berdi, ko‘p narsani o‘rgatdi. "Atletiko"dagi faoliyatim dinamikasi boshqacha edi. U yerda biz birga o‘sdik; bu jamoaviy o‘sish tarixi edi. U yerda muvaffaqiyat uchun azob chekishni o‘rgandim. Men klubning eng muvaffaqiyatli davrining bir qismi bo‘la oldim. Biz birgalikda bayram qilgan, kulgan va azob chekkan jamoa edik. Men har doim uning bir qismi bo‘lganimdan faxrlanaman.
"Barselona" esa, aksincha, butunlay boshqa tarix edi. "Barsa" libosini kiyish har qanday futbolchi uchun o‘zgacha. Bu jamoa, ehtimol, futbol tarixidagi eng yaxshi jamoalardan biri edi. U yerda klub nafaqat futbol, balki maydon tashqarisidagi faoliyati bilan ham global brendga aylanishi mumkinligini ko‘rdim. Men ajoyib jamoaning bir qismi edim. "Barselona" haqiqatan ham "klubdan kattaroq." Bu madaniyatning bir qismiga aylanganingda, buni yanada chuqurroq his qilasan. Men bu kunlarni doimo faxr bilan eslayman", dedi Turan.
