"Manchester Siti"ning sobiq yarim himoyachisi Fernandinyo professional faoliyatini yakunlaganini ma’lum qildi.
«Charchadim. Bugun (xayriya o‘yinida) 30 daqiqa yugurib, charchab qoldim. Futbolda meni boshqa hech narsa ilhomlantirmaydi, men allaqachon ko‘p narsaga erishdim.
Qo‘limdan kelgancha rohatlandim. Endi oila davrasida vaqt o‘tkazish vaqti keldi," - dedi 40 yoshli braziliyalik.
Fernandinyo "Manchester Siti", "Shaxtyor", "Atletiko Paranaense" va Braziliya terma jamoasidagi o‘yinlari bilan tanilgan. U besh marta Angliya chempioni, olti marta Ukraina chempioni bo‘lgan. "Shaxtyor" tarkibida himoyachi UYEFA kubogini (hozirgi Yevropa Ligasi) qo‘lga kiritdi, "Man Siti" bilan Chempionlar Ligasi finaliga chiqdi. Braziliyalik futbolchi terma jamoa bilan Amerika kubogini qo‘lga kiritdi.
Fernandinyo 2024 yilning dekabridan beri klubsiz edi, o‘shanda u "Atletiko Paranaense"da o‘ynagan.













